“Ўзавтосаноат” АЖ тузилмавий корхонаси автомобиллар учун бутловчи деталлар ишлаб чиқаришга очиқ танлов эълон қилади. Компанияларни саралаш шаффоф тендер асосида, иштирокчиларнинг ишлаб чиқариш қувватлари ва таклиф этган нархларидан келиб чиқиб амалга оширилади.
Танловда қатнашишга ишлаб чиқариш қувватларига эга, пластик, металл, штамповкаланган ва бошқа деталлар ишлаб чиқаришга ихтисослашган маҳаллий компаниялар таклиф этилади. Танлов якунларига кўра кенг кўламдаги автомобиль бутловчи деталларини маҳаллийлаштириш бўйича узоқ муддатли ҳамкорлик кўриб чиқилади.
Танловда Ўзбекистонда рўйхатга олинган ва Ўзбекистон Республикаси қонунчилигига мувофиқ хўжалик фаолияти юритиш ҳуқуқи учун барча керакли рухсатномаларга эга компаниялар қатнашиши мумкин.
Компания керакли маҳсулот ишлаб чиқариш учун барча керакли техник, молиявий, моддий, кадрлар ва бошқа ресурсларга эга бўлиши лозим. Бундан ташқари, компания қайта ташкил этилиш, тугатилиш ёки банкротлик босқичида бўлмаслиги ва бутловчи деталлар ишлаб чиқариш соҳасида тажрибага эга бўлиши керак.
Танловда қатнашиш ва керакли ҳужжатлар (иштирокчи йўриқномаси) танлов ҳужжатларига расмий хат орқали сўров юборилганда бепулдир.
Тижорат таклифларини қабул қилиш муддати – 2020 йил 24 август.
Қуйидаги контактлар орқали танлов тафсилотлари билан танишиш, танлов ҳужжатларининг тўлиқ пакетини олиш, шунингдек таклифларни тақдим этиш мумкин:
“УзКорам Компани” МЧЖ
170111 Ўзбекистон Республикаси, Андижон ш., Янгиайлайнма кўчаси-1.
Телефон: +998 (78) 120-40-00 #6224, +998 (90) 259 44 07
Web site: uzkoram.uz